8 يونيو 2012

هدية


دا مافيش أحـــلى..
 من قلبك هــــدية.
 تكون ليا.. تدوب فـيا..
 تشوف الدنيا فـ عنيا.

 تقول إنك بقيت مجنوني..
 تقول كوني..
 ضي النور اللي فـ عيوني..
 ساعتها هقول..
 أنا عاشقاك.
 أنا عايــــزاك.
 أنا روحــــي..
 لاقيتها معاك.

 وأعيش عمري..
 بعمـر جديد.
 تكون جمبي،
 و نبضي يزيد.

 أحس بحبـــي في عـــــروقك..
 أوام يجري يبان في عـنــــيك.
 أكون الفكرة فـي شـــــــرودكـ.
 تشوف قلبي في كف إيديك.
 تقوم تصرخ بعلو الصــــوت.
 بهمسة حب ندوب في سكوت،
 و نحكي غرامنا بالتنهيد.
 ساعتها هقول..
 أنا عاشقاك.
 أنا عايــــزاك.
 أنا روحــــي..
 لاقيتها معاك.

 

Copyright © 2012
All rights reseved to Yasmina Saied

4 يونيو 2012

مابيتعرفوش!


ومن 4 شهور مغيرتش الأسود.
من يوم ما رحتو تشجعو..
ومارجعتوش.
من وقتها الحياة اتغيرت.
مصر من بعدكم..
ملهاش صوت.
وكل ما احاول انسى..،
وكل ما الوقت يفوت..
مابنساكوش.
الوجع في قلبي بيزيد.
كأن كل يوم..
بتروحوا ومابترجعوش..
ماكنتش أعرفكم!
بس هما الشهدا كده..
مابيتعرفوش!!
بيروحو فدا الوطن..
وبيجروا على الموت..
مابيخافوش.
لا تهمهم شعارات،
ولا نفوذ،
ولا جيوش.
الجنه أقرب ليهم..
من طرف الرموش
 أصل هما الشهدا كده..
مابيتعرفوش
!

بقلم: Radwa Adly
على صفحة: شيء مني

Translate