الحلقة الرابعة مع الصديقة الكويتية مهتاب العلي.
ضياء: تفتكري
إن بسهولة الإنسان يحب بعد قصة حب فاشلة خرج منها بجرح كبير؟
ماهي: لا طبعاً دي أصعب حاجه ونتيجتها إن طرف يتعِب طرف.
ضياء: طبيعي
إن بعد الفشل الإنسان بيكون أكتر حرص.. تعرفي إن فيه ناس سهل تقع في حب جديد بعد
ما بتنجرح؟
ماهي: أو بيكون هش أكتر وسهل ينكسر.. إزاي سهل يقع في الحب؟
ضياء: إنه
بيكون محتاجله.. محتاج يسد الفراغ اللي سابه الحب الأول.
ماهي: ده احتياج ولا رغبة؟
ضياء: احتياج..
يعني بعد خروج الواحد من جرح وصادف حد بيداوي الجرح ده.. حد واقف جمبه.. بيطبطب
عليه، حاسس بيه الطبيعي إنه يتشد للحد ده ويحتاجله.
ماهي: طب الحب اللي بيجي كده يبقى مقرون بسبب.. وده مش حب حقيقي
لأن السبب ده ممكن بأي لحظه يزول.
ضياء: وممكن
يدوم.
ماهي: ده مش حب.
ضياء: ممكن
يلاقي حاجات مشتركة بينهم.
ماهي: ممكن يدوم لكن تفتكر المعامله دي هتبقى هي هي طول
العمر واقعيا؟
ضياء: بصراحة
ما فتكرشي.
ماهي: بالضبط.
ضياء: ممكن
العشرة والتعوّد يسدو الفراغ دا.
ماهي: ممكن لكني مش مؤيدة الحب السريع بعد جرح.. الجرح يحتاج
وقت ومالوش ذنب الطرف التاني يتعب معايا.. لأن من حقه يتحب كمان.
ضياء: عندك
حق.. ممكن يا ماهي من زاوية تانية يكون ده إبتزاز؟
ماهي: إبتزاز من مين لمين؟
ضياء: المجروح
بيبتز مشاعر اللي بيداويه.. والعكس على فكرة صحيح برضه.. فهماني؟
ماهي: ممم.. ماظنش لأن اللي بيداويه بيعملها من نفسه وهو
حابب يعملها مش محتاجة إبتزاز.. العكس.. ممكن يبتزه عشان يضغط عليه.. أو ياخد
منه حاجة.
ضياء: طيب
في كل الأحوال دي تفتكري حد وقع في الحب بعد جرح بيكون عامل
حسابه على إيه في التجربة الجديدة وخايف من إيه؟
ماهي: يعني.. يكون الحب ده بعيد عن المصالح ماروحش أنا
وأنا مجروحة أقول هاحب فلان عشان أنسى بيه جرحي بس.. شوف.. حسب.. لما يخرج من جرح أكيد
هيكون هش.. هيتأثر بأي حاجة.. لكن الحب عموماً بيكون عشوائي.
ضياء: معاكي قوي لازم وقت بعد الجرح.. نفوق ونهدى.
ماهي: يعني مايبقاش فيه حساب وحذر.. برأيك انت بيتعمل حساب
فيه؟ هتعمل حساب لعلاقاتك الجديدة؟
ضياء: أيوة..
أكيد.
ماهي: إزاي؟
ضياء: أولاً:
مش هاحب بسرعة.. هاخاف انجرح تاني.. لازم العلاقة الجديدة أضمن فيها استقرار.
ماهي: بس الواحد بالحب مش بيخطط ولا بيقول مثلاً أنا دلوقتي
هاحب.. ويحب.. الإحساس بيجي من غير مقدمات.
ضياء: أنا
هاعرف نفسي لو داخل علاقة جديدة.. اشوف العلاقة دي حدودها إيه.. فهماني؟.. تاني حاجة: هاحط إحتمال لفشل العلاقة ولو واحد في الألف عشان لو حصل ماتكونش صدمة قوي.
ماهي: ممم.. وماظنش إنك لما تعمل كده هتمشي على كل حاجة..
لما الحب ييجي تنسى أي حدود وأي حاجة.
ضياء: يا
ماهي واحد انجرح واتعذب لازم هتعملي حساب غصب عنك.
ماهي: ازاي؟
ضياء: هتبصي
تحت رجليكي مش هتكوني طايرة في الخيال، والعقل هيتدخل صدقيني.. مش زي الأوّل.. خوفك إنك
تنجرحي تاني هيحميكي من حاجات كتيرة.
ماهي: العقل بيكون الأساسي بس ماظنش نقدر نعمم الحب بالذات في
الحاجات دي.
ضياء: ممكن.
ماهي: عشان كده كتير بيتجرحو مرة واتنين وعشرة.
ضياء: دة
يبقى غباء يا ماهي.. وسذاجة متهيألي مش بقت موجودة.
ماهي: الحب غباء؟؟
ضياء: مش
الحب نفسه.. تكرار أخطاء بحذافيرها هو اللي غلط.. يعني محدش ينجرح مرة واتنين
ويرجع تاني يحب وينجرح بنفس الطريقة.
ماهي: مش حكاية تكرار الغلط.. العيب بقى بالناس.. هي اللي
بتجرح وماتراعيش المشاعر..
واللي يحب مابيشوفش الغلط مابيهتمش بعيوب.. ودي حاجه كتير بيستغلوها زي نقطه ضعف.
ضياء: لازم
يهتم بنفسه ويخاف على نفسه.
ماهي: مابيحسبهاش كدة.
ضياء: بعد
ما انجرح؟.. بيحسبها صدقيني.. يعني انتي من رأيك إن الواحد لو انجرح ممكن يسلِّم
للحب تاني بسهولة؟
ماهي: لا مش بسهولة.. لكن لو الحب جه يبقى مايمنعوش أي حدود
ولا أي جروح ولا ماضي.. وده بيختلف حسب الفئة العمرية والأشخاص وطبيعتهم.
ضياء: مممم.
ماهي: يعني ما تعممش .. ولا هي سهلة ولا هي صعبة.
ضياء: طيب
وشايفة إن الحب الجديد ده يقدر يمسح كل الجراح اللي فاتت؟
ماهي: لا
ضياء: فعلا؟!
ماهي: انا برأيي ماينفعش أحب جديد عشان أنسى اللي فات.
ضياء: مش
كدة.. لو حبيتي قضاء وقدر.. الحب ده ينسيكي؟
ماهي: لما أحب حد لازم قبل ما ابتدي علاقتي دي وأنا خلاص
نسيت الماضي.. ولاء.. الزمن ينسيني.. الحب لما ييجي لازم أكون فريش يعني مستعدة
والجرح خلاص بح.
ضياء: وجهة
نظر برضه وأنا معاكي فعلاً.
ماهي: الحب الجديد دا لازم يكون عارف إن اللي معاه حد عنده
تجربه وحشة.. وإنه هش.. وماينفعش يعايره بماضيه أو يجرحه ويفكره بيه ويقوله كلام
فيه منة وفضل.
ضياء: الله
عليكي يا ماهي.. يا سلام على عقلك يا بنتي.. طيب وحدود الأمان إيه في العلاقة
الجديدة؟
ماهي: أمان؟.. بيكون زي أي علاقه حب تانية.. دا لو زي ماقلت
ابتدى الحب من غير رواسب ماضي.. لكن لو كان فيه رواسب زي في بعض الحالات يبقى
متذبذب.
ضياء:
متشكرين .. على الحوار الجامد ده.
