8 يونيو 2012

هدية


دا مافيش أحـــلى..
 من قلبك هــــدية.
 تكون ليا.. تدوب فـيا..
 تشوف الدنيا فـ عنيا.

 تقول إنك بقيت مجنوني..
 تقول كوني..
 ضي النور اللي فـ عيوني..
 ساعتها هقول..
 أنا عاشقاك.
 أنا عايــــزاك.
 أنا روحــــي..
 لاقيتها معاك.

 وأعيش عمري..
 بعمـر جديد.
 تكون جمبي،
 و نبضي يزيد.

 أحس بحبـــي في عـــــروقك..
 أوام يجري يبان في عـنــــيك.
 أكون الفكرة فـي شـــــــرودكـ.
 تشوف قلبي في كف إيديك.
 تقوم تصرخ بعلو الصــــوت.
 بهمسة حب ندوب في سكوت،
 و نحكي غرامنا بالتنهيد.
 ساعتها هقول..
 أنا عاشقاك.
 أنا عايــــزاك.
 أنا روحــــي..
 لاقيتها معاك.

 

Copyright © 2012
All rights reseved to Yasmina Saied

هناك 11 تعليقًا:

فتــافيت (رحاب الخضري) يقول...

رقيقة أوي،،،
جميلة بجد،، وجمالها في بساطتها

عجبتني ^_^

Śђąžล ฬąђ٤єĐ ♥ يقول...

حلوه اوي :)

ضياء عزت يقول...

ربنا يكرمك يا فتافيت بلغت إعجابك لصاحبتها .. لأني مش انا اللي كاتبها دي صديقة ليا اسمها ياسمينا

مبسوط بتواجدك الجميل بجد

ألف شكر

ضياء عزت يقول...

ألف شكر يا شذى
تواجدك والله أحلى

وصلت إعجابك لصاحبة الكلمات لأني مش أنا صاحبها

nona elsha3nona يقول...

حلوة ربنا يوفقك

Bent Men ElZman Da !! يقول...

احساسها جميل اوووى
تسلم ايدك :)

ضياء عزت يقول...

تواجدك أجمل يا نونة
بس دي كلماتها مش انا اللي كاتبها.. دي صديقة ليا وصلتلها إعجابك بكلماتها ومبسوطة أوي برأيك

ألف شكر

ضياء عزت يقول...

ربنا يكرمك وتسلم إيد اللي كتبتها بقى D:
كتبتها صديقة ليا اسمها ياسمينا سعيد

بلغتها إعجابك بكلماتها ومبسوطة أوي
وبتشكرك كتيييييييير

Śђąžล ฬąђ٤єĐ ♥ يقول...

بتابع مدونة ياسمين
وبيعجبني كلامها فعلا

مش سهله كتابة العاميه بالاتقان ده

تحياتي ليك وليها :)

Hanan w Haneen يقول...

تــحــفــة عجبتني اويي ^_^

ضياء عزت يقول...

كويس انها عجبتك يا حنان

هوصل إعجابك بيها لصاحبتها

ألف شكر على حضورك الجميل

Translate