مؤلفة مدونة yasmina-saied وصفحة في الجنة هنتقابل
ماتصدقشي لو حد ضلك
وجه في يوم عني وقالك
إني في بعدك تعبانة
بابكي أو منك زعلانة
باقولها صَدَّق بأمانة
مبسوطة إنك خنتني.. مع واحدة زيك تشبهلك
** م الغدر دوقتني.. ماحرمتنيش م الجرح
مبسوطة فوقتني.. وفي عيني دموع الفرح
مستغرب عشان شايف ضحكي
ما هو مش أنا اللي في يوم أشكي
ولا انت اللي عليه أندم وأبكي
انت خاين فتَّح عنيه
لقى غيري ماسكة في إيديه
راهنت تجيبك لو حتى إيه
مشيت وراك زي ضلك
** من زمان نفسي.. أبعدك عني بإيديا
وكنت باحوش نفسي.. عشان بتصعب عليا
مستغرب عشان باقول هانسى
أنا بيك عمري ما كنت حاسة
وآهو خلاص جاتلي الفرصة
عشان أشيلك من حساباتي
مالكش أي وجود في حياتي
واللي فات من ذكرياتي
حاسيبها ليك آهي تفضلك
هناك 4 تعليقات:
فظيعة يا ضياء .. جميلة أوووى
عجبتنى كلماتها والاحساس اللى فيها
أيون كده أنا مش بحب البنات أو الولاد اللى قلبهم جايبلهم وجع القلب زى ما بيقولوا .. ويفضلوا يقولوا ( قلبى بيحب حتى لو جرحنى ميت مرة وخلاص حياتى وقفت على كده ومش هقدر أنساه وأحب غيره ) ببقى عايزة أموتهم لأن معنى كلامهم ان نعمة الحب حولوها وخلوها نقمة
بص يا صديقى لتعليقى جانبان
الاول انك حقا تجيد الدخول الى منطقة المشاعر بحرفية رائعة والاروع هو الدخول الى مشاعر الانثى وتصويرها بشكل رائع
اما الجانب الاخر فاستفسار عن اى نوع من الشعر تكتب ؟
تحياتى صديقى
دمت مبدع
مروة زهران
طب تمام.. مبسوط والله انها عجبتك كدة
وأنا كمان زيك كدة بالظبط.. ماتعرفيش ياختي ايش العيال دولم
ههههههههههههه
منورني على طوووووووووووووول
محمد جمال
بشكرك على كلامك الجميل اللي فرحني دة والله
بالنسبة للتدوينة دي فهي (غنوة)
هتلاقي ليها مطلع وسينيو وكوبلهين
أما كتابي فهو مجموعة من (المقالات القصصية)
منورني دايما يا صديقي بجد
ألف شكر
إرسال تعليق