29 أغسطس 2012

بعد سنين من وداعنا


 الديو بتاريخ 1 / 8 / 2009
07:33 AM 

** مش عارف روحي بتنسحب مني وللا بتترد
وإن كان خيال عايشُـه وللا حقيقي بجد
بعد سنين من وداعنا
مكان واحد بيجمعنا
أنا وحبيبة عمري هنا مع بعض

## حاسة روحي رجعت فيا
بس خايفة اغمض عنيا
آجي أفتـَّح مالقيهوش

نفسي يجي يسلم عليا
أحكيلُـه ع اللي جرى ليا
وإني لسه مانسيتهوش

حاسة بسنين مُـت فيها
في اللحظة دي حييت بيها
أندهلُـه ولا ماندهوش

عمرك ما كنت بعيد على طول شيلاك ف عيني
** عمري ما لومت عليكي حتى وانتي بتودعيني
وفيتي وشيلتي فوق طاقتك عشاني لكن النصيب
## ح تفضل مها تغيب ف قلبي وحدك الحبيب

ياما زمان وياه اتمنيت
نبقى سوا مع بعض ف بيت
وكل دة اتهد ف ثواني

عليت حواجز بينا، لقيت
روحي بتروح وأنا انتهيت
و ف إيدى دبلة واحد تاني

بداريها ليفكر إني نسيته
وأنا عمري غيره ما اتمنيته
بس نصيبنا هو الجاني

** ارفعي راسك عنيكي مش كاسرها حد
دبلتك مش تخبيها ولا تبصي كمان في الارض
مش بإيدك حد تاني
يبقى ف حياتك مكاني
بصيلي حتى لو ثانية تصبـَّرني سنين ع البعد

## عمرك ما كنت بعيد على طول شيلاك ف عيني
** عمري ما لومت عليكي حتى وانتي بتودعيني
وفيتي وشيلتي فوق طاقتك عشاني لكن النصيب
## ح تفضل مها تغيب ف قلبي وحدك الحبيب

هناك 8 تعليقات:

أحمد أحمد صالح يقول...

روعة جدا جدا يا ضياء،و جميل جدا الإنسجام بينك وبين ياسمينا..دمت مبدع يا صديقي.

مروه زهران يقول...


جميلة ومؤلمة أوى ضياء
رائع كعلدتك دايما

محمد جمال يقول...

فوق الروعه بمراحل يا صديقى العزيز
عارف بجد حسيته أوى
ومش عارف ليه حسيت انى عايز الحنها (slow )
وعجبنى جدا استخدامك للالوان الازرق و البنك فى الكلام بينك وبين ياسمينا
تحياتى
دمت مبدعا يا صديقى

ضياء عزت يقول...

أحمد أحمد صالح

مبسوووووووط أوي غن الديو عجبك يا أحمد.. وياسمينا دي عشرة عمر *_*

ألف شكر يا صديقي

ضياء عزت يقول...

MEROOooOOoo

ذوقك وإحساسك الأجمل يا ميرو

ألف شكر

ضياء عزت يقول...

mohamed

تعليقك فرحني أوي يا محمد والله.. ربنا يخليك

ويللا ياعم أهي عندك لحنها :)

ماتحرمش منك يا صديقي

Bent Men ElZman Da !! يقول...


ابدعتم حقيقى
تسلم ايديكم :)

ضياء عزت يقول...

Bent Men ElZman Da

ألف شكر يا دينا تسلمي

ربنا يخليكي ويارب دايما منورة

Translate