26 فبراير 2017

عن البداية






روايتي #جُسُور_العُزلة
بدأت كمجموعة إرهاصات بداية من عام 2010 م.. تطوَّرت بعد كدا لأفكار مُحدَّدة بشكل أوضح.. بدأت أكتب أول خيوطها في أبريل 2012 م.. كتبت 6 فصول ومسحتهم في نهاية  2012 م.. ودا لأني لقيتني جاهل بشكل كبير عن الموضوع اللي بتتكلِّم عنه الرّواية :D .. وهو الاغتراب.. قرَّرت أسيب الكتابة على جنب وتفرغت للقراءة بس مع تدوين بعض الأفكار.. قعدت أقرا تقريبًا سنة.. قرأت حوالي 70 مقال و400 كتاب ورسالة ماچيستير ورسالتين دكتوراة.. هنا أود الإشارة إلى أنني كتبت بحث صغير عن الاغتراب حوالي 4600 كلمة.. وبحث تاني عن عبدة الشَّيطان حوالي 18000 كلمة.. ونشرتهم علشان اللي عايز يقرأ حاجة تفيده عن الموضوعين دول.. ودا اللينك بتاعهم:
http://www.4shared.com/office/zMd2JfVbce/_online.html
http://www.4shared.com/office/3py4OQ_sce/___online.html
مع بداية 2014 م بدأت الكتابة تاني.. كتبت المرادي 9 فصول.. وماعجبونيش ومسحتهم.. ورجعت أكتب من أول وجديد في أغسطس  2014 م.. وبرضة مسحت النّسخة دي.. وبدأت أكتب من الأول للمرّة الرّابعة.. وهي المرّة اللي تعتبر المسودة شبه النّهائية للرّواية.. دا لأني بعتَّها لأكتر من 10 أشخاص ممن أثق في رأيهم وأفادوني ببعض الملاحظات.. وأحب أشكر جدًا هنا المستشار الأديب أشرف العشماوي على نقده المفيد جدًا وهو النَّقد اللي أخدت بجزء كبير من ملاحظاته بعين الاعتبار وساعدني في تطوير الرّواية.. وكمان باشكره على آرائه الإيجابية في الرّواية وفي شخصي المتواضع كروائي.. مع بدايات عام 2016 م كنت قد انتهيت تمامًا من الرّواية.. وكانت رحلة البحث عن ناشر..
ولهذه الرّحلة.. حديث آخر.

لشراء الرّواية أون لاين واستلامها عند المنزل.. من هنا
صفحة الرّواية على الفيس بوك.. من هنا
صفحة الرّواية على موقع Goodreads .. هنا

صفحة الرّواية على موقع أبجد .. من هنا





ليست هناك تعليقات:

Translate