7 يوليو، 2012

ده جد!

 بقلم:

Shimaa H. Abduallah

على صفحة: شيماء عبد الله
ده جَــد
 و مُش هِـــزار ولا عِنــد
 و آخــر مرّة هـقولهـالك
 مــاليش دعوة بـ طريقة حَـد

 مـادام حبتني على شكلي
 على طريقتي
 على جناني
 على عقلي
 على طيشي
 على طيبتي
 معــاك ديماً على طبيعتي
 مابتصنعَّش
 ولا بتلَّف بـ الألوان
 ولا بتغيَّــر .. ولا بتحوِّل
 عشـــان
 أعجب مــرة أو مـا اعجبش !

 أنـا زي مانت وصفت فـ أول مرَّة
 قـولت براءة ..
 حنـان طفلة .. و طيبة أم
 و أجمل حاجة إنـــك حُـــرة !
 و لون عينك طبيعية
 بـ لون الشمس مسقيَّة
 و لون البشرة وردية
 لا هي ألوان .. ولا صناعية

 مـادام حبتني على شكلي
 على طريقتي
 على جناني
 على عقلي
 على طيشي
 على طيبتي
 معــاك ديماً على طبيعتي

 فـ ماتندهنيش بـغير اسمي
 و لا تقارني فـ يوم مع حد !
 ده جَد و مُش هـِزار ولا عِند

للمتابعة على صفحة "طير في السما".. من هنا:


هناك 7 تعليقات:

Hanan w Haneen يقول...

جميــلة اويي

ريـــمـــاس يقول...

صباح الغاردينيا
وليس أجمل من أن نحبهم كما هم على طبيعتهم وجنونهم على تعقلهم وهدوئهم لأننا نحبهم ولا نرى عيوبهم "
؛؛
؛
صدقاً حرف رائع
لروحك عبق الغاردينيا
كانت هنا
reemaas

Bent Men ElZman Da !! يقول...

"مـادام حبتني على شكلي
على طريقتي
على جناني
على عقلي
على طيشي
على طيبتي
معــاك ديماً على طبيعتي

فـ ماتندهنيش بـغير اسمي
و لا تقارني فـ يوم مع حد !
ده جَد و مُش هـِزار ولا عِند"

عجبتنى اوى

EMA EMA يقول...

حلوة اوى بكل الجنان اللى فى كلماتها هههههههه

تسلم بجد رائعة أحلى حاجة ان الانسان يكون على طبيعته بكل تفاصيله و تقلباته و جنونه و عقله


تحياتي

أحمد أحمد صالح يقول...

جميلة القصيدة يا ضياء و جميل انك تنشر أعمال غيرك عشان نتعرف عليها.. تحياتي لشيماء..و ودي و تحياتي لك

reemaas يقول...

اه طبعا طالما ارتضيت بحد وحبيته يبقى احبه زى ماهو ماقرنوش بحد ولا افصله على مزاجى

عجبتنى جدا الفكرة

Deyaa Ezzat يقول...

حنان
ريماس
دينا
إيما
أحمد
Reemaas


ألف ألف شكر يا جماعة على حضوركم وتعليقاتكم الجميلة

وأكيد هوصل إعجابك لصاحبة الكلمات

منوريني والله

Translate